Woordeboek van Afrikaans Vandag

Bygewerk op 12 Augustus 2022
Redakteur: Jana Luther

Van 2020 af word eietydse taalgebruik – nuwe woorde, betekenisse, uitdrukkings, asook ouer vorme wat elders in die slag gebly het – intyds in die Woordeboek van Afrikaans Vandag (WAV) versamel en maandeliks in Pharos Aanlyn bygewerk (met uitsondering van beeld en klank, wat jy slegs hier kry). Tik ’n woord in die kassie en vind dit dadelik, indien dit opgeneem is – ook Engelse woorde. Onthou dat ’n lewende woordeboek, nes Afrikaans, heeltyd groei en verander. Dankie, almal wat aan ons leesprogram deelneem!

A | B | C | D | E | F | G | H | I | J | K | L | M | N | O | P | Q | R | S | T | U | V | W | X | Y | Z

vas

♦ ww. | het gevas | ’n ruk nie eet en/of drink nie

♦ s.nw.

› onderbroke vas skedulering van maaltye wat voorsiening maak vir periodes van vrywillige vas of verminderde kalorie-inname tussen etes: › Wat is onderbroke vas? Dit is ’n eetplan wat wissel tussen tye waarin jy moet vas en tye waarin jy mag eet. Dit gaan nie soseer oor wát jy eet nie, maar wanneer. Dis dalk net waarom dit so gewild is (Werner Wippenaar, Netwerk24, 4 Junie 2021). › Volgens die internasionale kosinligtingskomitee [...] is 43% van Amerikaners nou besig om ’n tipe vaspatroon te volg. Dit maak onderbroke vas nou die grootste tipe dieetplan ter wêreld. Daar is verskillende metodes van onderbroke vas en dit word alles deur middel van die app verduidelik. Jy kan dus kies watter een by jou leefstyl pas (Werner Wippenaar, Netwerk24, 4 Junie 2021). › Sommige navorsing toon dat onderbroke vas kan help met gewigsverlies én om kardiovaskulêre siekte te voorkom, maar [...] dié dieet is nie vir almal nie (Maroela Media, 30 April 2021). ◌ ENGELS: intermittent fasting | intermittent energy restriction

samestellings:
onderbroke-vas-dieet
onderbroke-vas-program

Muggiesifters sien waaierore agter elke bult (Netwerk24) | Afrikaans is ’n ding wat spring (Vrye Weekblad) | Oral op drade sit kraaie, ook in oondstede (Netwerk24)

Soek met spesiale karakters

Simbool	Funksie	Voorbeeld
"..."	Frase	"ten opsigte van"
_	Een ontbrekende karakter	cal_one
%	Enige aantal ontbrekende karakters	ka%abidiol
/1-9	Binne dié getal woorde van mekaar, in dié volgorde	"wat lei"/7
@1-9	Binne dié getal woorde van mekaar, in enige volgorde	"wat lei"@7
&	Vind al twee	virus & epidemie
\|	Vind die een of die ander	virus \| epidemie
#	Vind die een of die ander, maar nie al twee nie	virus # epidemie

Hierdie woordeboek is nie aan enige ander projek verbind nie en word deur niemand geldelik gesteun nie. Dit is ’n eie inisiatief van die redakteur en gebruikers wat via die leesprogram daaraan meewerk.