Bygewerk op 14 Augustus 2022
Redakteur: Jana Luther

Help ons | Blogs en artikels | Woordewisseling | Podsendings | Speletjies | Wortel | Teksredaksie

Van 2020 af word eietydse taalgebruik – nuwe woorde, betekenisse, uitdrukkings, asook ouer vorme wat meestal nog nié in ander woordeboeke staan nie – intyds hier versamel en maandeliks in Pharos Aanlyn bygewerk (met uitsondering van rubriekinsetsels, beeld en klank, wat jy slegs hier kry). Tik ’n woord in die kassie en vind dit dadelik, indien dit opgeneem is – ook Engelse woorde. Onthou dat ’n lewende woordeboek, nes Afrikaans, heeltyd groei en verander. Neem deel aan ons leesprogram en help ons!

Let wel
As ’n soekwoord nie as trefwoord opgeneem is nie, word voorbeelde van die woord in ander artikels gewys, indien dit voorkom. Soek dan met CTRL-F om sulke voorbeelde op jou rekenaarskerm uit te lig.

A | B | C | D | E | F | G | H | I | J | K | L | M | N | O | P | Q | R | S | T | U | V | W | X | Y | Z

Airbnb s.nw. (handelsnaam)
1
[geen meervoud] aanlyn onderneming wat in die bespreking en verhuring van privaat akkommodasie spesialiseer: ’n Platform soos Airbnb het dit vir sowel verhuurders as huiseienaars moontlik gemaak om ’n inkomste te verdien deur regstreeks met gaste te skakel wat na gemaklike verblyf oor die land heen op soek is (Netwerk24, 11 September 2020). Die bekende verblyfplatform Airbnb stel die volgende op sy webblad voor: Maak vooraf seker wat die tariewe is [...] Maak seker om kontakbesonderhede van verhuurders te kry (Weslander, 8 Februarie 2021). Van Airbnb tot Walmart het korporatiewe Amerika sy geldsteun onttrek aan Republikeinse kongreslede wat weier om Biden as president te erken (Egomt Sippel, Rapport, 7 Februarie 2021). Die tien snels groeiende plekke in Suid-Afrika waar huiseienaars slaapplek op Airbnb aanbied, is Kaapstad, Johannesburg, Knysna, Durban, Mosselbaai, Port Elizabeth, Port Shepstone, Pretoria, Robertson en Saldanha (Tuis, Februarie 2017).

2
| airbnb’s | [ook met ’n kleinletter] ’n kamer in iemand se huis of ’n ander privaat verblyfplek wat via Airbnb verhuur word, of gehuur is: Dit is vroeg Januarie. Schalk sit in ’n airbnb in Umhlanga. Bennie is by familie in Durbanville (Netwerk24, 27 Januarie 2021). Die eerste stap wat jy moet neem wanneer jy dit oorweeg om ’n Airbnb te begin, is om navorsing oor jou omgewing te doen (Rooi Rose, 18 Januarie 2018). Airbnb’s kry weer gaste, maar nie noodwendig in SA (Netwerk24, 16 Julie 2020 – opskrif).ENGELS: Airbnb | airbnb


samestellings:
Airbnb-gas
Airbnb-verblyf
Airbnb-verhuring


  Muggiesifters sien waaierore agter elke bult (Netwerk24) | Afrikaans is ’n ding wat spring (Vrye Weekblad) | Oral op drade sit kraaie, ook in oondstede (Netwerk24)

Soek met spesiale karakters

SimboolFunksieVoorbeeld
"..."Frase"ten opsigte van"
_Een ontbrekende karaktercal_one
%Enige aantal ontbrekende karakterska%abidiol
/1-9Binne dié getal woorde van mekaar, in dié volgorde"wat lei"/7
@1-9Binne dié getal woorde van mekaar, in enige volgorde"wat lei"@7
&Vind al tweevirus & epidemie
|Vind die een of die andervirus | epidemie
#Vind die een of die ander, maar nie al twee nievirus # epidemie

Hierdie woordeboek is nie aan enige ander projek verbind nie en word deur niemand geldelik gesteun nie. Dit is ’n eie inisiatief van die redakteur en gebruikers wat via die leesprogram daaraan meewerk.

Kopiereg © 2020-2022 Jana Luther