Woordeboek van Afrikaans Vandag

Bygewerk op 20 Junie 2025

Redakteur: Jana Luther | Help ons | Woordewisseling | Podsendings

Van 2020 af word eietydse taalgebruik – nuwe woorde, betekenisse, uitdrukkings, asook ouer vorme wat meestal nog nié in ander woordeboeke staan nie – intyds hier versamel en in Pharos Aanlyn bygewerk. Sedert 2024 word, met toestemming, ook taalrubrieke, -podsendings en ander -insetsels stelselmatig bygevoeg. Dit kry jy slegs hier. Tik ’n woord in die soekkassie en vind dit dadelik, indien dit opgeneem is – ook Engelse woorde. Let op dat jy moet aandui of jy in die woordeboek of rubrieke wil soek. Onthou dat ’n lewende woordeboek, nes Afrikaans, heeltyd groei en verander. Neem aan ons leesprogram deel en help ons!

A | B | C | D | E | F | G | H | I | J | K | L | M | N | O | P | Q | R | S | T | U | V | W | X | Y | Z

kodewisseling s.nw. [geen meervoud] (taalkunde) afwisseling van tale, waarby met gemak van een taal na ’n ander oorgeslaan of woorde uit verskillende tale afwisselend gebruik word: › Die departement van basiese opvoeding sinspeel op kodewisseling in sy jongste aankondigings oor taalonderrig en verwys na ’n loodsprojek in die Oos-Kaap wat belowend is (Hans Pienaar, Vrye Weekblad, 3 Augustus 2022). › Scientific American gee in ’n aantal artikels te kenne dat tweetaligheid die toekoms van die planeet is – meer as die helfte van alle mense praat meer as twee tale vlot. Die tydskrif doen sy deel om kodewisseling te destigmatiseer – die manier waarop tweetalige of drietalige sprekers in die middel van ’n sin van een taal na ’n ander oorskakel, is heeltemal normaal (Hans Pienaar, Vrye Weekblad, 3 Augustus 2022). › Neem kodewisseling (die verwisseling tussen tale of variante in een gesprek, een sin of selfs een woord) as ’n voorbeeld. Vir dié wat in meertalige omgewings funksioneer, het kodewisseling so te sê die norm geword. So verwissel ons byna daagliks tussen Afrikaans en Engels om vir Engelstalige vriende of kollegas voorsiening te maak en seker te maak hulle verstaan ons (Donovan Lawrence, Netwerk24, 22 Julie 2022).
◌ ENGELS: code-switching | language alternation

Let wel
As ’n soekwoord nie as trefwoord opgeneem is nie, word dit in ander artikels vertoon, indien dit voorkom. Soek dan met CTRL-F om sulke voorbeelde op jou rekenaarskerm uit te lig. Jy kan ook met spesiale karakters soek. Kyk hier onder.

Please note
This dictionary mainly contains words, meanings and expressions that have not yet been included in other Afrikaans dictionaries, together with a collection of language columns, blogs, video inserts and podcasts. If a search word is not included as a headword, examples of the word in other entries (definitions, usage examples, usage notes, etc) are displayed, if they occur. Then search with CTRL-F to highlight such examples on your screen.

Artikels, rubrieke en ander bydraes van 2025

● Bolmakiesie van woke (LitNet)

● Apeneutjies en katjiebotter vir die slimjanne (Netwerk24)

● Gril jy jou ook dood vir ’n klamhandjie? (Netwerk24)

● Sal jy die toets kan slaag om te wys jy is mens? (Netwerk24)

● Alle konings is kêrels, maar nie alle kêrels konings nie (Netwerk24)

● Dalk is die pyn in jou hande whatsappitis (Netwerk24)

● As jy meer van jou hond hou as van mense (Netwerk24)

● Verwaand is nou verwant aan waansin (Netwerk24)

● Japie my skapie moet dalk liefs ’n kraak maak (Netwerk24)

● Weet jy wat is die agtste ‘bot’ se betekenis? (Netwerk24)

● Taalgoggas wat baie laat struikel (Netwerk24)

● Jana se reis met woorde (Afrikaans100)

● Oor bottels, flesse, vate, kuipe, balies ... (RSG)

● Welkom in die tyd van die Soetkoek-eters (Netwerk24)

● So maak jy met ’n motor wat in die modder sit (Netwerk24)

● Oor kalbasse en kruike en ander holgoed (RSG)

Besigtig die volledige lys taalrubrieke, podsendings en nog ander blogs en artikels hier.

Soek met spesiale karakters

Simbool	Funksie	Voorbeeld
"..."	Frase	"ten opsigte van"
_	Een ontbrekende karakter	cal_one
%	Enige aantal ontbrekende karakters	ka%abidiol
/1-9	Binne dié getal woorde van mekaar, in dié volgorde	"wat lei"/7
@1-9	Binne dié getal woorde van mekaar, in enige volgorde	"wat lei"@7
&	Vind al twee	virus & epidemie
\|	Vind die een of die ander	virus \| epidemie
#	Vind die een of die ander, maar nie al twee nie	virus # epidemie

Hierdie woordeboek is aan geen ander woordeboekprojek verbonde nie en word deur niemand geldelik gesteun nie. Dit is ’n onafhanklike inisiatief van die redakteur in haar vrye tyd.