Woordeboek van Afrikaans Vandag

Bygewerk op 14 Augustus 2022
Redakteur: Jana Luther

Van 2020 af word eietydse taalgebruik – nuwe woorde, betekenisse, uitdrukkings, asook ouer vorme wat meestal nog nié in ander woordeboeke staan nie – intyds hier versamel en maandeliks in Pharos Aanlyn bygewerk (met uitsondering van rubriekinsetsels, beeld en klank, wat jy slegs hier kry). Tik ’n woord in die kassie en vind dit dadelik, indien dit opgeneem is – ook Engelse woorde. Onthou dat ’n lewende woordeboek, nes Afrikaans, heeltyd groei en verander. Neem deel aan ons leesprogram en help ons!

Let wel
As ’n soekwoord nie as trefwoord opgeneem is nie, word voorbeelde van die woord in ander artikels gewys, indien dit voorkom. Soek dan met CTRL-F om sulke voorbeelde op jou rekenaarskerm uit te lig.

A | B | C | D | E | F | G | H | I | J | K | L | M | N | O | P | Q | R | S | T | U | V | W | X | Y | Z

handelsmerkambassadeur s.nw. | handelsmerkambassadeurs | ◌ Ook merkambassadeur ◌ bekende/gewilde persoon met ’n positiewe openbare beeld wat deur ’n onderneming of organisasie gekies (en vergoed) word om in die openbaar die instansie se handelsmerk te dra/vertoon, in die sosiale media na spesifieke dienste en/of produkte te verwys, daaroor te praat en/of dit te demonstreer om daardeur die publiek se bewustheid van die handelsmerk te verhoog, verkope te stimuleer, en dies meer: › Khloe kry ook ’n klompie geld van haar werk as handelsmerkambassadeur en vir betaalde Instagram-plasings – soos vir dié een vir ’n tee wat jou maag glo plat maak (Rozanne Els, Vrye Weekblad, 5 Maart 2021). › Dis nie sommer hierjy-sakke nie – daarvan getuig ook die prys en die feit dat [’n] gewese Mej. Suid-Afrika [...] die handelsmerkambassadeur is (Michèle Meyer, Vrye Weekblad, 19 Julie 2019). ◌ ENGELS: brand ambassador

KYK OOK: sosialemedia-beïnvloeder

Muggiesifters sien waaierore agter elke bult (Netwerk24) | Afrikaans is ’n ding wat spring (Vrye Weekblad) | Oral op drade sit kraaie, ook in oondstede (Netwerk24)

Soek met spesiale karakters

Simbool	Funksie	Voorbeeld
"..."	Frase	"ten opsigte van"
_	Een ontbrekende karakter	cal_one
%	Enige aantal ontbrekende karakters	ka%abidiol
/1-9	Binne dié getal woorde van mekaar, in dié volgorde	"wat lei"/7
@1-9	Binne dié getal woorde van mekaar, in enige volgorde	"wat lei"@7
&	Vind al twee	virus & epidemie
\|	Vind die een of die ander	virus \| epidemie
#	Vind die een of die ander, maar nie al twee nie	virus # epidemie

Hierdie woordeboek is nie aan enige ander projek verbind nie en word deur niemand geldelik gesteun nie. Dit is ’n eie inisiatief van die redakteur en gebruikers wat via die leesprogram daaraan meewerk.