Bygewerk op 2 Maart 2024
Redakteur: Jana Luther | Help ons | Weekliks | Woordewisseling | Podsendings | Teksredaksie
Van 2020 af word eietydse taalgebruik – nuwe woorde, betekenisse, uitdrukkings, asook ouer vorme wat meestal nog nié in ander woordeboeke staan nie – intyds hier versamel en maandeliks in Pharos Aanlyn bygewerk. Van November 2023 af word, met toestemming, ook ’n groot versameling taalrubrieke, -podsendings en ander -insetsels stelselmatig bygevoeg. Dit kry jy slegs hier. Tik ’n woord in die soekkassie en vind dit dadelik, indien dit in een van of in albei hierdie bronne opgeneem is – ook Engelse woorde. Onthou dat ’n lewende woordeboek, nes Afrikaans, heeltyd groei en verander. Neem deel aan ons leesprogram en help ons!
Getal trefwoorde vandag: 3 449
herverbeel
♦ ww. | het herverbeel | daaraan dink en jou verbeel hoe iets anders kan wees, anders kan verloop, of anders kon gewees of verloop het; dit in jou gedagtes (op)nuut voorstel; dit herbedink; dit opnuut konsipieer of herskep: › Dit [’n kursus] herinner aan die New York Times se omstrede 1619-projek wat, as een van hul doelstellings, die koms van slawerny wil “herverbeel” as die werklike sentrale gebeurtenis in die VSA se geskiedenis, in plaas van die Amerikaanse Revolusie en Onafhanklikheidsverklaring (Nico Geldenhuys, Vrye Weekblad, 10 Maart 2023). › Ons moet aktief ons deel doen om ons landgenote ons gemeenskap te laat herverbeel (Vrye Weekblad, 17 Oktober 2022). › In Netwerk24 van 11 Oktober word gerapporteer hoe die Universiteit Stellenbosch (US) se “visuele regstellingskomitee” ’n projek van stapel stuur om ’n rotsmonument met ’n Afrikaanse inskrywing te herverbeel en herkonstrueer om ’n inklusiewe omgewing te verteenwoordig (Frederik van Dyk, Netwerk24, 19 Oktober 2022). ◌ ENGELS: reimagine
♦ b.nw. | herverbeelde | wat herverbeel is: › Die teaterprente, of dan die herverbeelde verfilming van die KKNK se vlagskipproduksies word eersdaags op Via uitgesaai (Mariana Malan, Netwerk24, 21 Desember 2021). ◌ ENGELS: reimagined
afleiding(s):
herverbeelding: › Interessant ten opsigte van Venter se oeuvre is die neerslag van wat ’n mens die emigrante-ervaring kan noem. In sy romans is die herverbeelding van die moederland, of die konstruksie van wat Rushdie genoem het ’n “imaginary homeland”, ’n deurlopende motief (Die Burger, 11 Oktober 2000).
hapties
haraam
hare
hart
hasjisj
hayibo
HDPE
heem
heemverbinding
heen-en-weerdery
Heilige Nag
hek
hekel
helikopterma
helikopterouer
help-my-sterk-lyk-hempie
herbruikbaar
herinneringstuin
herlewingsboerdery
herlewingslandbou
hersikleer
herstelknoppie
hertwiet
herverbeel
heteronormaal
hetero-normatief
hetero-normatiwiteit
hibried
hidjab
hidroksichlorokien
hidrolise
hierjy-
hipermedia
hipster
HKGK
HNWI
hoeha
hoek
hoeka
hoender
hoendervoet
hoëoktaan-
Hoerikwaggo
hoernalis
hoerpyp
hoes
hoe-se-naam