Woordeboek van Afrikaans Vandag

Bygewerk op 5 Februarie 2025

Redakteur: Jana Luther | Help ons | Woordewisseling | Podsendings

Van 2020 af word eietydse taalgebruik – nuwe woorde, betekenisse, uitdrukkings, asook ouer vorme wat meestal nog nié in ander woordeboeke staan nie – intyds hier versamel en in Pharos Aanlyn bygewerk. Sedert 2024 word, met toestemming, ook ’n groot versameling taalrubrieke, -podsendings en ander -insetsels stelselmatig bygevoeg. Dit kry jy slegs hier. Tik ’n woord in die soekkassie en vind dit dadelik, indien dit opgeneem is – ook Engelse woorde. Let op dat jy moet aandui in watter bron jy wil soek, of in albei. Onthou dat ’n lewende woordeboek, nes Afrikaans, heeltyd groei en verander. Neem aan ons leesprogram deel en help ons!

Getal trefwoorde vandag: 3 318 (woordeboek) | 222 (rubrieke)

A | B | C | D | E | F | G | H | I | J | K | L | M | N | O | P | Q | R | S | T | U | V | W | X | Y | Z

ukukhothana s.nw. [geen meervoud] (Zoeloe) subkultuur van modieuse jong swart stedelinge wat, ten spyte van beperkte middele, rykdom en status vertoon en dit dan grootdoenerig verkwis: › Soos te wagte word ’n subkultuur soos hierdie in ’n ontwikkelende ekonomie soos dié van Suid-Afrika nie goed ontvang nie. Dit word dikwels deur die samelewing en media gekritiseer as verkwistend en roekeloos. Die vooraanstaande ondersoekende joernalis Debora Patta het op TV izikhothane byvoorbeeld as “bling gone obscenely mad” beskryf (Mthobeli Ngcongo en Sifiso Mnisi, Netwerk24, 3 November 2023). › Ons argumenteer ukukhothana is ’n vorm van uitdrukking wat die potensiaal het om ’n sin vir ekheid en trots in die oorblyfsels van onderdrukking in post-apartheid Suid-Afrika te herwin (Mthobeli Ngcongo en Sifiso Mnisi, Netwerk24, 3 November 2023).

oorsprong:
Van Zoeloe ukukhotha “om te lek”, stadsleng “om te spog”.

samestelling(s):
ukukhothana-subkultuur: › Daar is nie konsensus oor wanneer presies hierdie gier ontstaan het nie. Maar daar is ’n rede om te glo die ukukhothana-subkultuur dateer uit 2005 toe dit eerste kop uitgesteek het in townships aan die Oos-Rand voordat dit na ander provinsies versprei het (Mthobeli Ngcongo en Sifiso Mnisi, Netwerk24, 3 November 2023).

KYK OOK: skhothane

Let wel
Kies in watter bron(ne) jy wil soek. As ’n soekwoord nie as trefwoord opgeneem is nie, word voorbeelde van die woord in ander artikels vertoon, indien dit voorkom. Soek dan met CTRL-F om sulke voorbeelde op jou rekenaarskerm uit te lig. Kyk hier onder hoe jy ook met behulp van spesiale karakters kan soek.

Please note
This dictionary mainly contains words, meanings and expressions that have not yet been included in other Afrikaans dictionaries, together with a collection of language columns, blogs, video inserts and podcasts. If a search word is not included as a headword, examples of the word in other entries (definitions, usage examples, usage notes, etc) are displayed, if they occur. Then search with CTRL-F to highlight such examples on your screen.

Podsendkanaal

Artikels, rubrieke en ander bydraes van 2025

● Weet jy wat is die agtste ‘bot’ se betekenis? (Netwerk24)

● Taalgoggas wat baie laat struikel (Netwerk24)

● Jana se reis met woorde (Afrikaans100)

● Oor bottels, flesse, vate, kuipe, balies ... (RSG)

● Welkom in die tyd van die Soetkoek-eters (Netwerk24)

● So maak jy met ’n motor wat in die modder sit (Netwerk24)

● Oor kalbasse en kruike en ander holgoed (RSG)

Besigtig die volledige lys taalrubrieke, podsendings en nog ander blogs en artikels hier.

Soek met spesiale karakters

Simbool	Funksie	Voorbeeld
"..."	Frase	"ten opsigte van"
_	Een ontbrekende karakter	cal_one
%	Enige aantal ontbrekende karakters	ka%abidiol
/1-9	Binne dié getal woorde van mekaar, in dié volgorde	"wat lei"/7
@1-9	Binne dié getal woorde van mekaar, in enige volgorde	"wat lei"@7
&	Vind al twee	virus & epidemie
\|	Vind die een of die ander	virus \| epidemie
#	Vind die een of die ander, maar nie al twee nie	virus # epidemie

Hierdie woordeboek is aan geen ander woordeboekprojek verbonde nie en word deur niemand geldelik gesteun nie. Dit is ’n onafhanklike inisiatief van die redakteur in haar vrye tyd.