Woordeboek van Afrikaans Vandag

Bygewerk op 20 Julie 2024

Redakteur: Jana Luther | Help ons | Woordewisseling | Podsendings

Van 2020 af word eietydse taalgebruik – nuwe woorde, betekenisse, uitdrukkings, asook ouer vorme wat meestal nog nié in ander woordeboeke staan nie – intyds hier versamel en maandeliks in Pharos Aanlyn bygewerk. Van November 2023 af word, met toestemming, ook ’n groot versameling taalrubrieke, -podsendings en ander -insetsels stelselmatig bygevoeg. Dit kry jy slegs hier. Tik ’n woord in die soekkassie en vind dit dadelik, indien dit in een van of in albei hierdie bronne opgeneem is – ook Engelse woorde. Onthou dat ’n lewende woordeboek, nes Afrikaans, heeltyd groei en verander. Neem aan ons leesprogram deel en help ons!

Getal trefwoorde vandag: 3 502

A | B | C | D | E | F | G | H | I | J | K | L | M | N | O | P | Q | R | S | T | U | V | W | X | Y | Z

ukuthwala s.nw. [geen meervoud] (Xhosa) tradisionele gebruik van ’n meisie of jong vrou te ontvoer om met haar te trou: › P. Madokwe en P. Mbanjwa het voorgestel dat tradisionele praktyke soos ukuthwala (gedwonge huwelike), ukungenwa (waar ’n weduwee gedwing word om met haar oorlede man se familielede te trou), en selfs waar kliënte weier om sekswerkers vir hul dienste te betaal, ook as seksuele oortredings in die wetsontwerp geklassifiseer moet word (Llwellyn Prince, Netwerk24, 10 November 2020). › [Die] staatsaanklaer het aangevoer dat die slagoffer, ’n 14-jarige meisie, in Desember 2011 van Mount Fletcher in die Oos-Kaap naby die Lesotho-grens na Kaapstad “verhandel” is. Dit word in die Xhosa-kultuur ukuthwala genoem wanneer ’n jong vrou aan ’n man verhandel word om te trou (Jana Breytenbach, Netwerk24, 24 Junie 2020). › Ukuthwala is ’n oeroue tradisie wat behels dat ’n meisie ontvoer word om ’n bruid te wees. Dit word met haar toestemming gedoen, soms ook om die bruidegom die betaling ’n stewige prys vir ’n bruid te spaar. Niks is gefinaliseer totdat sekere rituele uitgevoer is nie. Nietemin het die departement van maatskaplike ontwikkeling ’n ontstellende neiging opgelet waar weerlose meisies uit ’n arm agtergrond ontvoer word vir die uitsluitlike doel om seks te voorsien en huishoudelike pligte vir ouer mans uit te voer (Netwerk24, 15 September 2017). ◌ ENGELS: ukuthwala

KYK OOK: thwala

Let wel
As ’n soekwoord nie as trefwoord opgeneem is nie, word voorbeelde van die woord in ander artikels vertoon, indien dit voorkom. Soek dan met CTRL-F om sulke voorbeelde op jou rekenaarskerm uit te lig.

Please note
This dictionary mainly contains words, meanings and expressions that have not yet been included in other Afrikaans dictionaries, together with a collection of language columns, blogs, video inserts and podcasts. If a search word is not included as a headword, examples of the word in other entries (definitions, usage examples, usage notes, etc) are displayed, if they occur. Then search with CTRL-F to highlight such examples on your screen.

Rubrieke en podsendings van 2024

Dis Kersfees in Julie, gevul met sespuntkristalle (Netwerk24)

Jagluiperds se fluit fnuik tot die voëltjies (Netwerk24)

Kelkiewyn dra kosbare water in sy verevag (Netwerk24)

Vermy omgang met kêskuikens en melkbaarde (Netwerk24)

Kannie is dood. Lank lewe kannie! (Netwerk24)

Bruilof-wortels lê geanker in rituele (Netwerk24)

Word daar nog saans stories in jou huis vertel? (Netwerk24)

Dit is waar ’n babbeljoentjie vandaan kom (Netwerk24)

Dalk is dit nou tyd vir Red-’n-Woord-projek? (Netwerk24)

“Engels hou só Afrikaans se arms omhoog” (Netwerk24)

“Ek doen” (Netwerk24)

Afrikaans is ’n steentjie in die Afrikamosaïek (Netwerk24)

Luister mooi, stilbly is ook ’n antwoord (Netwerk24)

Die bouwerk wat ons help uitstyg (Netwerk24)

Dikdood of op ’n wilde perd die nuwe jaar in (Netwerk24)

Soek met spesiale karakters

Simbool	Funksie	Voorbeeld
"..."	Frase	"ten opsigte van"
_	Een ontbrekende karakter	cal_one
%	Enige aantal ontbrekende karakters	ka%abidiol
/1-9	Binne dié getal woorde van mekaar, in dié volgorde	"wat lei"/7
@1-9	Binne dié getal woorde van mekaar, in enige volgorde	"wat lei"@7
&	Vind al twee	virus & epidemie
\|	Vind die een of die ander	virus \| epidemie
#	Vind die een of die ander, maar nie al twee nie	virus # epidemie

Hierdie woordeboek is aan geen ander woordeboekprojek verbonde nie en word deur niemand geldelik gesteun nie. Dit is ’n onafhanklike inisiatief van die redakteur in haar vrye tyd.