geosmien s.nw. [geen meervoud] ◌ Ook (verouderd) geosmine ◌ organiese verbinding met ’n kenmerkende reuk, soos dié van varsgeploegde grond of modder, wat geproduseer word deur mikroörganismes wat in grond, op verrottende materiaal en op alge lewe: › Dit moet beklemtoon word dat geosmi[e]n geen bedreiging vir mense se gesondheid inhou nie. Dit is ’n organiese verbinding wat natuurlik voorkom en is verantwoordelik vir die grondsmaak van byvoorbeeld beet, en die reuk in die lug wanneer dit ná ’n droë tydperk gereën het (Netwerk24, 7 Januarie 2021). › Geosmi[e]n is soms in water teenwoordig veral tydens tydperke van warm weer, en selfs klein konsentrasies daarvan kan in die menslike smaaksintuig bespeur word [...] Die metro monitor die situasie as deel van die waterbehandelingsproses. Dit word verbeter deur geaktiveerde verpoeierde koolstof tydens die proses by te voeg om die effek van geosmi[e]n te verminder (Netwerk24, 7 Januarie 2021). ◌ ENGELS: geosmin