Bygewerk op 2 Julie 2022
Redakteur: Jana Luther

Help ons | Blogs en artikels | Woordewisseling | Podsendings | Speletjies | Wortel | Teksredaksie

Van 2020 af word eietydse taalgebruik – nuwe woorde, betekenisse, uitdrukkings, asook ouer vorme wat elders in die slag gebly het – intyds in die Woordeboek van Afrikaans Vandag (WAV) versamel en maandeliks in Pharos Aanlyn bygewerk (met uitsondering van beeld en klank, wat jy slegs hier kry). Tik ’n woord in die kassie en vind dit dadelik, indien dit opgeneem is – ook Engelse woorde. Onthou dat ’n lewende woordeboek, nes Afrikaans, heeltyd groei en verander. Dankie, almal wat aan ons leesprogram deelneem!

A | B | C | D | E | F | G | H | I | J | K | L | M | N | O | P | Q | R | S | T | U | V | W | X | Y | Z

ouderdomsdiskriminasie s.nw. [geen meervoud] diskriminasie teen iemand op grond van sy/haar (gewoonlik gevorderde) ouderdom: Die model Paulina Porizkova is op sosiale media ’n sterk voorstander vir vroue se reg om hul ouderdom te lyk en ook ’n uitgesproke teenstander van die ouderdomsdiskriminasie wat van ouer vroue konstante teikens maak (Madeleine Barnard, Vrye Weekblad, 7 Januarie 2022). Ouderdomsdiskriminasie skep ’n drogbeeld wat daartoe lei dat die meeste mense nie voorbereid is op hierdie fase nie, dat dit nie oordink word nie, en dat mense nie regtig met die idee van oud word wil omgaan nie (Rayne Stroebel, Vrye Weekblad, 17 Mei 2019). “Ek veg nou teen ouderdomsdiskriminasie; ek word gestraf omdat ek 60 is” (Madonna, aangehaal deur Nici de Wet, Huisgenoot, 23 Mei 2019). Al bestaan wetgewing teen ouderdomsdiskriminasie in die meeste beskaafde lande, Suid-Afrika ingesluit, word dit feitlik nêrens toegepas nie, waarskynlik omdat diskriminasie teenoor ouer mense meestal as sosiaal aanvaarbaar gereken word (Annelize Visser, Vrye Weekblad, 7 Junie 2019).ENGELS: ageism | agism

  Monumente: ’n herinnering en ’n waarskuwing (rubriek) | Hot en haar (rubriek)

Soek met spesiale karakters

SimboolFunksieVoorbeeld
"..."Frase"ten opsigte van"
_Een ontbrekende karaktercal_one
%Enige aantal ontbrekende karakterska%abidiol
/1-9Binne dié getal woorde van mekaar, in dié volgorde"wat lei"/7
@1-9Binne dié getal woorde van mekaar, in enige volgorde"wat lei"@7
&Vind al tweevirus & epidemie
|Vind die een of die andervirus | epidemie
#Vind die een of die ander, maar nie al twee nievirus # epidemie

Hierdie woordeboek is nie aan enige ander projek verbind nie en word deur niemand geldelik gesteun nie. Dit is ’n eie inisiatief van die redakteur en gebruikers wat via die leesprogram daaraan meewerk.

Kopiereg © 2020-2022 Jana Luther